უარესია სკლეროზი ჭლექზე
(შენ მოხდილი გაქვს ეგ ჭლექი ხილად!),
ისე ადვილად არ მოგდის ლექსი,
რომ მოგდიოდა ოცი წლის წინათ.
კი, მახსოვრობის საცერი გაცვდა,
ბევრი გაცრა და ბევრიც დალექა;
სხვა სატკივარიც ათასი გაჩნდა
და დრო დაგყვირის პოეტს „არიქა!“
შენ კი წერ შენსას,
შენ შენი გახსოვს, -
ყელს არ მოიღერ ახლის სათქმელად, -
წერ, რაც გახრჩობდა და დღესაც გახრჩობს,
და სულს აჩნია ძაღლის ნაკბენად!
Murman Lebanidze - Uaresia Sklerozi Chleqze
მურმან ლებანიძე - უარესია სკლეროზი ჭლექზე
No comments:
Post a Comment