ოტია იოსელიანი - გახსოვს ზედაზენი?

გახსოვს, ზედაზენი?..

მაჯვნივ დარჩა ძველი ჯვარი,

მარცხნივ-წმინდა მცხეთა,

აღმართები,

აღმართები,

აღმართები,

გზა მიხვეულ-მოხვეული,

დახვედრა და გაცილება ხეთა.

ოტია იოსელიანი - წვიმს

წამოუბერა ზღვაურმა
ღრუბელი სევდას ცრის
მემუდარები: - გამიშვი!
მე თავს ვიმართლებ: - წვიმს!

ხელით გისწორებ სათუთად
ყელს მარგალიტის მძივს,
ისევ ჩურჩულებ: - წავალ, რა!
გარეთ გახედებ: -წვიმს!

ცალ თვალს ზეცისკენ ვაპარებ
ღრუბელს ვუღერებ მჯიღს;
- არ გადაიღო, იცოდე,
მეფე ვარ, სანამ წვიმს!