მშვენიერია!
მიხარია - ეს გზაც გაშენდა!
კლდე გაიჭრა და
უშგულისკენ
კლდეში გაჭენდა.
კალა-უშგულო!
აღარ გიჭირს უგზობით აწი!
მაგრამ მე მახსოვს,
ამობრძანდა
აქ ერთხელ კაცი -
კი, მეფისტოლა
კაცი იგი, ალბათ, დაბერდა -
ოცი წლის წინათ,
ზუსტად ოცის,
ამ გზას დაგპირდა!
მშვენიერია!
დიდებული! - ეს გზაც დამშვენდა,
კლდე გაიჭრა და
უშგულისკენ
კლდეში გაჭენდა
ოღონდ ეს მიკვირს:
მშენებლობა რატომ გაძნელდა?!
სამწუხაროა -
ოც წელიწადს
რატომ გაგრძელდა!
Murman Lebanidze - Mshvenieria! Mixaria - Es Gzac Gashenda
მურმან ლებანიძე - მშვენიერია! მიხარია - ეს გზაც გაშენდა
No comments:
Post a Comment