ახლა დროა ვებრძოდეთ ეშმასა და შაითანს,
გამარჯვება ახლოა!გამარჯვების გჯეროდეს!
ჩემი გული ძვირფასო,ბევრ განსაცდელს აიტანს,
მოღალატეს აიტანს,მაგრამ ღალატს-ვეროდეს!
მალე მოვა სამყაროს ჭრელი ფერისცვალება,
სიყვარული ახლოა!სიყვარულის გჯეროდეს!
მე შემემთხვა ძვირფასო,ბევრი ტანჯვა-წვალება,
უკუქცევას ავიტან,მიტოვებას-ვეროდეს!
გაზაფხული დამდგარა.ფეხქვეშ ნაზი მოლია,
აღმაფრენა ახლოა!აღმაფრენის გჯეროდეს!
ჩემი სული ძვირფასო,ცრემლით დანამულია,
გაგიჟებას აიტანს,ბორკილებს კი ვეროდეს!
მე წავედი.გავფრინდი.მივატოვე მიწები,
ჰორიზონტზე გადასულს სიო მესალბუნება,
მე ვტყუივარ!მე ვცრუობ!-სირცხვილისგან ვიწვები,
რა მკაცრია ზამთარი!რა მკაცრია ბუნება!
lasha-giorgi-axla droa vebrdzodet
No comments:
Post a Comment