ნიკა ნორიელი - მომემარტე

ქუჩის სიბნელეს უსულობით სული ამოხდა
მე კი მივდივარ უხილავი ჟანგბადით სავსე...
ცაზე იმედად რკალისებრი მთვარე გამოჩნდა
ღამე ნაბიჯის მორიდებულ ხმაურით ვავსე...

ჩუმი გრძნობები რკინასავით ცეცხლში გამოდნა
მე იდუმალი სიყვარული სიტყვებით ვხატე...
შენი სურნელი, გუშინდელი, ბნელშიც გამომყვა
რომ მომემარტე ბედნიერი, როდესაც გნახე...

ახლა მომინდა უშენობის ლექსად გამოთქმა
გაგაუკვდავებ სამუდამოდ ჩემთან რომ დარჩე...
უსიყვარულოდ დედამიწა უკვე - გამოხმა
ღამე ნაბიჯის მორიდებულ ხმაურით ვავსე...

Nika norieli - Momemarte