კვირტნი -
მზის მიერ გამოჩეკილნი.
ჩიტნი -
მუდამდღე მოჭიკჭიკენი.
აქ -
შარშანდელი ჩალის ჩერგილი.
იქ -
ღვიისა და მაყვლის ჩირგვები.
სასიმინდეზე მიყუდებული,
გაუქმებული ძველი ურემი.
ნაშუაღამევს
სოფლის კრებიდან
დაბრუნებული კოლმეურნენი.
სახლი -
ნაშენი წითელ აგურით,
ხეხილებიდან გამომზირალი.
თეთრი ტირიფი -
ჩემი დარგული.
სურნელოვანი მწვანე ხილნარი...
. . . . . . . . . .
სოფელს აპრილმა ახედ-დახედა;
მთები,
მინდვრები
მწვანე დამოსა;
წყვილი მერცხალი შემოაკედლა
თითო მოსახლის კარ-მიდამოსა.
Muxran Machavariani - Kar-Midamo
მუხრან მაჭავარიანი - კარ-მიდამო
No comments:
Post a Comment