უფრო სიხარულობს
ჩემი სიხარული,
შენ რომ იზიარებ,
ის რომ იზიარებს.
თითქმის სიხარულობს
ჩემი მწუხარებაც,
შენ რომ იზიარებ,
ის რომ იზიარებს.
თუა სიხარული! -
ასეთი კაცი ვარ,
არასდროს ვიკითხავ: -
ვისი არი?
ვისიც უნდა იყოს თუა ჭეშმარიტი,
ვიზიარებ.
არის მწუხარება?! -
რა საკადრისია,
იკითხოს კაცმა:
ვისი არი?
ვისიც უნდა იყოს,
თუა ჭეშმარიტი,
ვიზიარებ.
უფრო სიხარულობს
ჩემი სიხარული,
შენ რომ იზიარებ,
ის რომ იზიარებს.
Muxran Machavariani - Ufro Sixarulobs Chemi Sixaruli
მუხრან მაჭავარიანი - უფრო სიხარულობს ჩემი სიხარული
No comments:
Post a Comment