მურმან ლებანიძე - გამრავლდა შაშვი

- გამრავლდა შაშვი
(ჩინელივით!) ქალაქის ბაღში...
ეგ იმიტომ, რომ
აქ არ დასდევს კაცი თუ ბავშვი...

- მე დავინახე
კვიპროსის კენწერო ცაში:
ღამის ხუთიდან
დილის ცხრამდე გალობდა შაშვი...

- ეგ ძაან კარგი,
რომ ხელს უწყობს ქალაქის ხალხი,
მაგრამ სოფლად რომ
გადაშენდა, არ არის კარგი!

- როგორ?! სოფელში
გადაშენდა ნამდვილად შაშვი?!
- თვითონ... სოფელი გადაშენდა...
სოფელთან, - ბავშვიც!

Murman Lebanidze - Gamravlda Shashvi
მურმან ლებანიძე - გამრავლდა შაშვი