შემოგხედა და უეცრად შეუყვარდი ნარიყალას...
თრთოდნენ თმები და თვალები, სულის ვნება წამწამს იწვა,
მოდიოდი ნათრთოლები და მოგქონდა ცა და მიწა.
ნისლი - თითქოს დაძრწის მხეცი, ჩამოამსხვრევს ჰანგებს ლოდად,
დაიმორცხვე... და ციხეცა მოთმინებით დაგელოდა...
გრიგალის ხმა - ცად დამტკბარი, უფლის ცრემლში დაევანა,
ნარიყალა, ცა და მტკვარი ცახცახებდნენ პაემანად.
აგრე რატომ გაენაზე, გულზე ცეცხლის შემონთებავ,
ქალო, წადი პაემანზე, ნარიყალა გელოდება!...
ნუგზარ ჩიკვაიძე - ქალო, წადი პაემანზე!
No comments:
Post a Comment