რუდუნებაა საბასი,
სამაგალითო ვისთვისაც
არაგველია სამასი,
სამაგალითო ვისთვისაც
თევდორესია სიკვდილი,
სამაგალითო ვისთვისაც
იესოსია გვირგვინი, -
დედანო, მენა, - ის კაცი, -
ქებისად იმ ქალს ვთვლი ღირსად, -
დედაა თეიმურაზის
სამაგალითო ვისთვისაც,
ცოლია სოლომონისა
სამაგალითო ვისთვისაც,
მტლედ დაედება რომელიც
მიწას, - მაძღარსა სისხლითა.
სიცოცხლეს ხანგრძლივს გისურვებთ,
სიბერეს, - ნაგვიანებსა,
სევდა სიამით ეძლიოს
თქვენს შორის ნაღვლიანებსა.
მუხრან მაჭავარიანი - ჰოი, დედანო!
No comments:
Post a Comment