გისოსია დედამიწა - ვეგლები.
სანამ დადგა განაჩენი - დახვრეტა,
ერთი ღერი სიგარეტი გექნებათ.
დღეს მომკლავთ და ხვალ იქნება მიქარვა.
გთხოვთ,
ჩემი ხასიათი ნუ გახელებთ.
რა ვქნა,
სადაც უნდა ვიყო - იქა ვარ,
დახსნილ მაჯებს ვერ ვუხამებ სახვევებს.
აქ,
საკანში უჟმურია ამინდი,
გარეთ მზემ გამოანათა ეგება,
მეტი ნაღდად არაფრი არ მინდა -
ერთი ღერი სიგარეტი გექნებათ.
გავთავდები კიდევ ერთი მწეველი,
ერთი-ორი პატიმრისთვის - პოეტი.
გაწბილდება ასცხრამეტი მევალე.
გავყავარ და...
უკან კარი მოკეტეს.
ქარმა ქუჩებს თებერვალი გახადა.
გისოსია დედამიწა - ვეგლები.
სანამ კრუნჩხვამ სისხლძარღვებში გამხლართა,
ერთი ღერი სიგარეტი გექნებათ.
Nika Cherqezishvili - Erti Geri Sigareti Geqnebat
ნიკა ჩერქეზიშვილი - ერთი ღერი სიგარეტი გექნებათ
No comments:
Post a Comment