მეფუტკრე - სიტყვის
ერის - მუშა და ერის - პაპა, -
რწმენას „რისიმე დაჯერებად“
განმარტავს საბა...
მე ჩავაკვირდი
უღრმეს სიტყვას და უბრძნეს ახსნას -
აღძრავს მილიარდს
სიტყვა ესე კითხვას თუ დასკვნას...
გულისხმობს რაკი
თავგანწირვას და ერთგულებას, -
ავიც რომ იყოს,
რწმენა კაცს არ გაემტყუნება...
გულისხმობს რწმენა
დაჯერებას რაკიღა მტკიცედ, -
აღბეჭდილია
რწმენის კაცი ერთგვარი ნიჭით...
მაგრამ კაცობის
არ შეცვლილა საზომი ჯერაც:
საქმე ის არი,
ჩემო გელა და ჩემო ლელა,
რა ვერ გაჯერებს,
რა ხარ, ვინ ხარ და რისი გჯერა!
Murman Lebanidze - Rwmena
მურმან ლებანიძე - რწმენა
No comments:
Post a Comment