და თაყვანი ვცე ახალ სალოცავს,
მე კი არა მწამს შენი სამოთხე
და არ ვაპირებ ღმერთის გამოცვლას.
შენ საზეიმოდ მპირდები ამინდს,
საყოველთაოს და თან საჩემოს
და შენი კერპი მელოტი თავი
გსურს ამომავალ მზედ მომაჩვენო...
რამდენიც გინდა ხარჯე სიტყვები,
ვერ გასჭრის შენი ფიცი-მტკიცება:
მე ისევ იმ ჩემ ბილიკს მივყვები,
შარაგზაზე რომ არ გაიცვლება,
მე ისევ ჩემი მომწონს ხატები,
ავის და კარგის ვიცი გარჩევა...
თუ მაიძულებ, ტყვედ ჩაგბარდები,
მაგრამ რას მოგცემს ეს გამარჯვება?
ვერც გიერთგულებ, ვერც გემონები,
შენთან ვიქნები და არც ვიქნები...
თუ ხელსაყრელი დადგა მომენტი,
ზურგს შეგაქცევ და გადაგიდგები!
Mixeil Qvlividze - Chems Sabchota Xelisufals
No comments:
Post a Comment