გონებას ამღვრევს ტურფა მხევალი,
შენს წასვლას უნდა მხოლოდ დღეები,
დაბრუნებას კი თვენახევარი.
ისევ დაზამთრდა-ისევ თავიდან
და გამოფინა თეთრი საცვალი,
ჩვენ გამოვაკლოთ მოდი ავიდან
ბოროტება და დედინაცვალი.
ახლა დაფრინავს მხოლოდ ბეღურა,
გადაიხვეწნენ სხვაგან ჩიტები,
სოფლიდან ისმის ხასანბეგურა,
ნეტავ იცოდე როგორ მჭირდები.
კვლავ მოწყენილი თვლემენ ტყეები,
გონებას ამღვრევს ტურფა მხევალი,
შენს წასვლას უნდა მხოლოდ დღეები,
დაბრუნებას კი თვენახევარი.
No comments:
Post a Comment