„არ იყავიო
ვაჟას დღეზე ამ ზაფხულს ჩარგალს!“ -
ვინ, ვინ მიბედავს?! -
ხელფასს იღებს
ეს კაცი მაღალს
მხოლოდ იმაში,
რომ ესწრება თავშეყრებს ჩვენსას,
გვადევნებს თვალყურს,
მწერლუკანა
მწერლობას მწყემსავს...
მე წამოვწითლდი
და ხელახლა გავთეთრდი რისხვით:
„რაო, რა ბრძანეთ?! -
ჩავეკითხე
არაკაცს ზიზღით, -
ჩემთვის ყოველდღე
ვაჟას დღეა! - ვუთხარი მკაცრად, -
და ილიასიც, სხვათაშორის!“ -
შებრუნდა
გაშრა...
რად პირს არ გახსნი,
დედამიწავ, თან არ ჩამიტან,
ათას თახსირთან
რომ პურს მაჭმევ
ერთი ჯამიდან!
Murman Lebanidze - Ar Iyavio Vajas Dgeze Am Zafxuls Chargals!
მურმან ლებანიძე - არ იყავიო ვაჟას დღეზე ამ ზაფხულს ჩარგალს!
No comments:
Post a Comment