ვით შეიძლება ხომალდმა ჩვენმა
ამ ქარიშხლებში ზღვები გაჰკვეთოს?!
ერმა და ბერმა, ერმა და ბერმა -
ყველამ თავისი საქმე აკეთოს!
გუთანს ჩაჰკიდოს მარჯვენა მხვნელმა,
ბელტი ბელტოს და ოფლი აღვენთოს;
სწავლულს გონმა, მშენებლის ხელმა
გადაშენების გზები ჩაკეტოს!
თავი აიღოს ხელმწიფემ ბრძენმა,
აწმყო-კორდიდან მყობადს გახედოს;
პოეტმა წრფელმა, პოეტმა ქველმა
გასაბედავი თვისი გაბედოს!..
მითვლილი ვიქნეთ ხმალჩაგებულად -
მომავლის რწმენით გული აღენთოს...
წყნარად, უსიტყვოდ, თავჩაღებულად
ყველამ თავისი საქმე აკეთოს
Murman Lebanidze - Vit Sheidzleba Xomaldma Chvenma
მურმან ლებანიძე - ვით შეიძლება ხომალდმა ჩვენმა
No comments:
Post a Comment