გაზაფხულდა,მოკლე კაბა ჩაიცვი,
სხვა რა გითხრა,შემიყვარდი მოკლედ,
უიმედო არ მინახავს მაისი,
და ნუ მეტყვი: იმედები მოკლეს.
საგიჟეთმა ოცნებები გარეკა,
იფანტება ოცნებების ჟინჟღლი,
შებმული მაქვს შენთვის ლექსის კარეტა,
თან დამყვება გადარევის შიში.
მოკლე კაბით მოდი,რამე მითხარი,
ავარჩიოთ უკაცური კაფე,
გავაღვიძოთ იმედები მიმფრთხალი,
ჩქარა,თორემ წყვეტენ შვების ძაფებს!
კაფეს კართან ჩამომჯდარი პოეტი,
უყურებდა ფანჯრის შიშველ რაფას,
ერთობოდა თავის სიმარტოვეთი...
გაზაფხულდა,გაქრა მოკლე კაბა!
Gaga Naxucrishvili - Mokle Kaba
No comments:
Post a Comment