მუხრან მაჭავარიანი - სისხლად მიმოდის დღეს ჩემში იგი

ყველაზე უწინ ვინც გასხლა ვაზი,
ქვა სხვაზე უწინ ვინც დასდვა ქვაზე,
ვინც სხვაზე უწინ გასჭედა რკინა,
ვინც სხვაზე უწინ იხმარა ინა,
ქრისტეს შობამდე ვინც შექმნა წიგნი, -
სისხლად მიმოდის
დღეს
ჩემში
იგი.

მოიპოვება რა! - ქვეყანაზე!
მოიპოვება რა! - თუ გინდ ცაში!
რომ ჩემთან იგი არ იყოს ბავშვი
და სისხლის ჩემის რომ იყოს ფასი?!

Muxran Machavariani - Sisxlad Mimodis Dges Chemshi Igi
მუხრან მაჭავარიანი - სისხლად მიმოდის დღეს ჩემში იგი