მუხრან მაჭავარიანი - კვლავაც მრავალჯერ გეთქვას!

საქართველოო - ჩემო -
დიდედაო და შვილო.
შენმა ძახილმა მომკლა,
შუადღეა თუ დღეო:
- ბიჭო, არ შემარცხვინო,
ბიჭო, არ შემარცხვინო,
ვერ გავძლებ უბიჭებოდ! -
ე, ბიჭო! ივარგეო!

საქართველოო - ჩემო -

დიდედაო და შვილო.

თუ ვერ ჩავატან გემოს

შენს ჰაერსა და ღვინოს,

თუ ვერ ჩავატან გემოს

შენს ჰაერსა და ღვინოს! -

ღმერთმა შენც შეგარცხვინოს

და შენი შავი ღვინოც!

(გეხუმრე, - არ გეწყინოს!)

საქართველოო - ჩემო -

დიდედაო და შვილო.

შენი კეთილი გული

ნუ მომიშალოს ღმერთმა:

- ბიჭო არ ჩემარცხვინო,

ბიჭო, არ შემარცვინო! -

კვლავაც მრავალჯერ გეთქვას,

გეთქვას,

გეთქვას და გეთქვას.

Muxran Machavariani - Kvlavac Mravaljer Getqvas!

მუხრან მაჭავარიანი - კვლავაც მრავალჯერ გეთქვას!