მუხრან მაჭავარიანი - რაშია საქმე?!

კი, მაგრამ...
ღმერთი აღარაა?!
ბნელა?! -
ქართული იქნებ ვინმეს ნორჩი ჰგონია ენა!!

ვინმემ,
არცაა გასაკვირი, -
არც იცის იქნებ, -
ქრისტეს შობამდე რომ შეიქმნა ქართული წიგნი.

არა!
ეს ასე რომ არ იყოს,
კიდე, - ხო, -
მარა!-
ასე
რომ
არის?!

არ უნდა ჰქონდეს მნიშვნელობა, მე მგონი, ცოტა
არც იმას, -
წერდნენ რა ენაზე ვაჟა და შოთა!

კი, მაგრამ...
ღმერთი აღარაა?!
ბნელა?! -
ქართული იქნებ ვინმეს მდარე ჰგონია ენა?!

Muxran Machavariani - Rashia Saqme?
მუხრან მაჭავარიანი - რაშია საქმე?!