არ დაცემულა
საქართველო იმრიგად ჯერეთ, -
იხილო მსგავსი
და არ წაგსკდეს
ცრემლები რელედ.
ბაზრის ჭიშკართან,
შავით მოსილს - დღე იყო ჭრელი -
შვილების ჯიბრზე
გაეშვირა დედაკაცს ხელი.
ბრინჯაოს მაჯა
და დაჭმუჭვნილ ღაწვებზე სითხე...
„დედი, ვინა ხარ?!
ქართველი ხარ?!“ -
ტირილით ვკითხე.
ის იდგა მკაცრი,
წარბშეკრული და შიშის მგვრელი -
შვილების ჯიბრზე
გაეშვირა დედაკაცს ხელი...
„მაინც, ეგ როგორ!
რა შეგემთხვა, რა მოხდა, დედი?!“
„სიკვდილი, შვილო! -
სთქვა გოროზად, -
სიკვდილზე მეტი!“
„ხუთი დავბადე,
ხუთი ჭრელი დავზარდე გველი....“ -
შვილების ჯიბრზე
გაეშვირა დედაკაცს ხელი.
არ დაცემულა
საქართველო იმდენად ჯერეთ, -
იხილო მსგავსი
და არ წაგსკდეს
ცრემლები ღელედ.
Murman Lebanidze - Ar Dacemula Saqartvelo Imrigad Jeret
მურმან ლებანიძე - არ დაცემულა საქართველო იმრიგად ჯერეთ
No comments:
Post a Comment