მიხეილ ქვლივიძე - ყვავები

ვარდს საამური ასდის სურნელი,
ანწლი უბრალოდ ყარს...
საკვირველია, მაგრამ რუსები
ფრინველად თვლიან ყვავს!

რა ფრინველია, გეთაყვათ, ყვავი,
ვერ გამიგია მე?
გარედან შავი, შიგნიდან შავი,
ყიამყრალი და მჭლე!

ზამთარ და ზაფხულ, თოვლსა და ყამირს
(აქ არ-რა არის სხვა!)
თავს დასჩხავიან გუნდები ყვავის:
"ყვა-ა, ყვა-ა, ყვა-ა!"

ა,ბობენ, ყვავი სამას წელს ცოცხლობს.
აბა, საქმეა ეს:
გარდასულ დროთა ყვავების ქორო
თავს დამჩხაოდეს დღეს?!

Mixeil Qvlividze - Yvavebi

No comments:

Post a Comment